السلام عليكم
ابيات كيبوووردية ,,
اتمنى ان تعجبكم ,,,,
اخاف اقول احبك تقول مامداك ..
اخاف اقول احبك تقول ::: مابي ..!!
اخاف اقول احبك تقول وش جاك..
خايف ..ومتشتت خطاي بصوابي ..!!
لكن قسم بالله احبك وابغاك ..
يشهد علي دمعي لببل ثيابي ..!!
ويشهد علي حزني وشوقي للقياك ..
لاغبت عن عيني وطال الغيابي..!!
ماكنت احسبني بجوعك وبضماك ..
الين ماطاح نخلي في ترابي ..!!
من وين جيتي ؟؟ كن قلبي تحراك ..
انتي حقيقة صدق؟؟؟ والا سرابي ..!!
حطي على كتوفي يمينك ويسراك ..
محتاج اصدق حلم بنت الضبابي ..!!
ياملهمة شاعر ترجلّ وغناك ..
قدامهم .. مشيّت يمك ركابي ..!!
ماهمني عاذل وناقد وشكاك ..
مادامني عارف وحاسب حسابي ..!!
الحب نبضك ..عالمك.. دنيتك.. ماك
واهل المحبة بالهوى ماتعابي ..!!
والحب لو هو ذنب والا به اشراك ..
ماكان حب التابعي والصحابي ..!!
ماعاد انا خايف وابقولها .. (اهواك )..
واختاري بين اوزاري والا ثوابي ..!!
اما اعيشك واشربك واتقهواك ..
والا مصابي .. يافجيعة مصابي ..!!
وسلامتكم