| اقتباس :
المشاركة الأصلية كتبت بواسطة سعيد مرزوق العبد
[ مشاهدة المشاركة ]
|
|
هات القلم ياحسين جتني هواجيس = هاجوس يسهجني وهاجوس يقفاه
ماغير اسمي واتعوذ من ابليس = ماودي اكتب شي يزعجك معناه
مدري ارد الحب في داخل الكيس = ولاّ اطحنه وألحق علي ساقته ماه
بلقيس يامدور علي عرش بلقيس = العرش ماكل الرياجيل تقواه
الراعي المرجوج جاب الحراسيس =والذود الاطيب في مفاليه خلاه
يبا يكسر كاسبين النواميس = مايدري ان الذيب ماتقدره شاه
حتي كلامه مأّعربته القواميس =الغرب يشّنا وأهل الضاد تشناه
ياهل النضا بالله جيبوله العيس =خلوه يصحا من منامه وينساه
اللي يجي في غبتن مالها قيس = اكيد تجار الجنايز تمناه
هاك الورق وادبس عليه الدبابيس = ثم انشره خل الرياجيل تقراه
|
الله الله
صح لسانك هلوستك هيضت هلوستي
ههههههههههههه
أبيات على السريع ربما اكملها وأنزلها مستقلة
لكن اليكم الجاهز على جناح السرعة
ياللي هواجسيه سواة الكوابيس=كل ما غفا بالنوم قامت توطاه
مثل الذيابة قدم عينه مراويس=وإن ما صحا لابد ليلة تعشاه
يقلاه حبه مثل قلي المحاميس=يشرب عليه المي لكن ما أرواه
واليوم أشفه قام يثعى القراطيس=طاروق يسدح به وطاروق غناه
مدري طرب والا مجاري متاعيس=ومن لا رباه ابوه فالوقت يرباه
ومن لا توقع راح عند الجواسيس=اما انكوى بالوجه والا بعلباه
والنور ما يشبه لليل الغطاليس=ومن لا هداه الفكر شيطانه أعماه
ترى عقيد القوم ما يتبع الهيس=لو يتبعه بالراي ياصاحي اغواه
ياسعيد لا تلعب براسك وساويس=اذكر لربك من تعلق به أنجاه
ترى كلام الجد غير التماليس=واحذر ترجا نو معطيك مقفاه