إحصائية العضو
إنْ كان لي خاطر ولي باقي غرام لا تطري الفرقا ترى حالي سقيم ملّ الصبر فيني ومليت الكلام اشفق على حالي وخلك بي رحيم تدري بقلبي بك وصلْ حدّ الهيام وادري بقلبك ما وصل حدّ الكريم تبخل عليّ وعند غيري ياسلام عَذب اللسان وكنّ لك قلبٍ عظيم ما الوم قلبك وماعلى قلبي ملام هذي المحبَّة من عطا ربٍ حكيم إن كان مكتوبٍ عليّ قلَّ المنام أبسط حقوقي لا تخليني غريم والحب يذبح صاحبه بليَّا سهام والبعد يجعل عيشة العاشق جحيم واناخفوقي ملّ من كثر الخصام تكفى حياتي صايرة مثل الهشيم وإذابغيت العلم عنِّي بالتمام القلب في حالت هيامٍ مستديم يرسل سلامه كلّ مارفرف حمام للي بداخل خافقي دايم مقيم ولا بِدالي الليل وسكون الظلام صورتك تضوي ظلمت الليل العتيم عايش وحيد وكل ما حولي زحام ماغير صوتك أسمعه لو هو تَميم واحس كنِّي طايرٍ فوق الغمام لامن طرى إسمك وكني في نعيم أناأشهد إن الحب صدماته عظام واكبر دليل شفْ حالتي بعدك عديم