السلام عليكم ورحمة الله وبركاته
كما عودناكم......أطرح بين أيديكم هذه الأبيات
علها تروق لكم
الليل طال ومطلع الفجر ما بان=والبدر ما بين ولا شق نوره
أراقب طلوعه ولو كنت سهران=أهم شيء أسعد بشرقة حضوره
ليا شفت نوره ساطع(ن)قُدم الأعيان=يرتاح بالي ينغمر في سروره
بدري وأنا ليله على مر الأزمان=بهجة حياتي في رضاه وغروره
عيني تراقب طلعته كيف ما كان=صادق شعوري مرتبط مع شعوره
لأجله نظمت الشعر بأشكال والوان=في طلعته في وقفته في عبوره
يرقص معه قلبي على عذب الألحان=روض الفؤاد تعج ريحة زهوره
يا بدر لا تبطي ترى القلب ولهان=مشتاق لك والشوق شبت حروره
الليل طال ومطلع الفجر ما بان=والبدر ما بين ولا شق نوره