أسعد الله أيامكم ولياليكم
الأبيات كما جات بدون مقدمات
الليل حرك داخلي شوق كامن=والبعد يطعني بخنجره مسموم
هيج بروحي شوق قدام ساكن=للجادل اللي حسنها يفتن قروم
شانت بعيني عند غيره محاسن=و زانت بعيني منه طعنات وسهوم
أشوف في ذاته جميع المفاتن=يا من ملكت الروح وأفكار وحلوم
وينك فدتك الروح إظهر وأمن=كمل جميلك رد لي حالي النوم
يامن سلبت القلب ما كان ضامن=طيفك سرى بي ما تهنيت بك يوم
تساويت بعيني سفوح ومطامن=بعد غديت من الوله الك محكوم
على وصالك يا غناتي أراهن=لو كنت من شوفتك بالعين محروم
عشقك غدالي يا هوى البال كاهن=أصدقه واللي حصل شيء مقسوم
يبقى معي ما عشت حالي وآسن=هذا قرار القلب والأمر محسوم
أهواك ثم أهواك بليا مداهن=من أول هوانا لين ينقال مرحوم
لو الفؤاد يصير تنور ساخن=بسبة هواك أقول يازين محشوم
دامي على ما قيل نابه و ذاهن=أنت الهوى والشوق لي دايم الدوم
الليل حرك داخلي شوق كامن=والبعد يطعني بخنجره مسموم