أسعدكم الله
هذا المساء الطاروق غير عساه يروق لكم
مشينا نبي ديرة هل الكيف والسيف=رجال الكرم والطيب واهل الشكاله
رجالٍ(ن)تعز الدار والجار والضيف=وحشمة خوي الجنب شاهد رجاله
يحبون فعل الخير لو فيه تكليف=ولا يفعلونك يا فعول الخماله
رجال الوفا ما يقصرون المعاريف=ولا يسلكونك يادروب النذاله
لهم فعل شاهد في جميع المواقيف=وترك المواجب سابع الإستحاله
يحبون شرب الدم وامبهر الكيف=تربوا على سلم العرب والأصاله
ليا دق زير الحرب جاهم زفازيف=وكلٍ(ن)تعزوى باسم جده وخاله
بوقت السلام شيوخ تروي سواليف=وتسمع من بحور القصيد الجزاله
تربع بنجد وتقضي الصيف بجنيف=توحد لرب العرش عال الجلاله
تذرى بحماهم كل مظلوم وضعيف=عليهم بياض الوجه في كل حاله
وعلى غيرهم ياحيف ياحيف ياحيف=شباه الرجال ولا تكمل جماله
كفاني من التوصيف رمز التواصيف=ولاني بخبلٍ(ن)مبتلى بالخباله
مشينا نبي ديرة هل الكيف والسيف=رجال الكرم والطيب واهل الشكاله