أسعد الله أوقاتكم
الأبيات بدون مقدمات
ما كنت شاعر قبل شوفتك يا زين=لكن انا من شوفتك صرت شاعر
لأجل عيونك بكتب الشعر ذا لحين=وأكتب على شانك جميل المشاعر
بنقش على وجه الزمن فيك بيتين=تذكار للأيام من فيض خاطر
وباقي قصيدي بكتبه فيك بعدين=وأرسله الك هديةٍ(ن)عقب أسافر
الشعر في مثلك يعادل ملايين=ربحان شعرٍ(ن)فيك ماهو بخاسر
قصيدة تكتب على شأن ذا العين=ماسة تزين عنق منتوق ساحر
فيك القصيد يزين وبغيرك يشين=وتزين بك حتى الخطب بالمنابر
يا ريحة الجوري وفلٍ(ن)ويسمين=ياأعذب من النسناس في جو ماطر
يا بلسم لجرحٍ(ن)نزف بالشرايين=يأأطيب من الأطياب فوق المباخر
فيك الأدب والذوق والدل والدين=هذا يقيني فيك واثق وخابر
يالماسه اللي ما ملكها سلاطين=كل حسن فيها بالمعايير نادر
إن كان ما تدرين ذا الحين تدرين=إني غديت بشوفتك حي شاعر