بارك الله بالقوة ولا بارك الله بالضعف
قال تعالى :(وأعدوا لهم ما استطعتم من قوة ومن رباط الخيل ...)الأية
يقول بن نايف محمد كحيلان=رده على طهران والرد موزون
يخسأ خميني كل حكام لايران=بعيد عنهم مملكتنا ويخسـون
طلقة رصاصة لو توجه بنيشان=الرد رادع ما بها رد بالهون
سلمان راع الحزم والفعل برهان=لا تزعلونه كان تبغوا تعيشون
سلمان لو يزعل على فرس طهران=بعد ثواني والخلايق يقولون
كانت هنا طهران في عهد سلمان=ما باقي إلا رسمها علم مضمون
وأقول أنا نعمين قوة مع إيمان=الشعب كله معك يا طير حوران
أسد وحنا معك مخلب ونيبان=حنا سهوم الموت والعرض مصيون
حنا حماة الدار حفاظ قران=على العهد ما ننقضه وين مانكون
بالسلم سلم وبالحرابات نيران=معك على ما تشتهي قول وتمون
والله ما نرخص عزيزات الأوطان=مهد الرسالة قبلة اللي يصلون
ما دام يمشي فوقها جنس الإنسان=يكود ربي بدل لكونه بكون
تقدر تقول إنا بشر ننقلب جان=دون الوطن وملوكنا درع وحصون
قود السفينة وأنت للبحر ربان=لا تلتفت خلفك يابو راي متقون
اجرد لسيف العز يا نسل شقران=وطهران وأذنابه من الدون للدون
قلته وأنا ماني مزيف وغلطان=أفخر بحكامي ولاني بمغبون
يقول بن نايف محمد كحيلان=رده على طهران والرد موزون