السلام عليكم ورحمة الله وبركاته
حل الصيف وحل موسم السفر
وهي فترات تتنوع فيها المشاعر بين راحل ومقيم
وهذه الأبيات تلامس جانبا من تلك الجوانب
علها تروق لكم
آه من طار السفر زاد الجروح=كل ما قلنا تطيب يضدها
البعاد المر للعاشق ذبوح=والمسافة بيننا يابعدها
نبني الأحلام ونسوي صروح=والتباعد كل يوم يهدها
كل ما نحلم بفرح يصير نوح=هلت العبرات مقدر ردها
الهوى والعين للعاشق فضوح=المشاعر غصب يفضح سدها
ماتت الفرحة وعذبات المزوح=ما تطيب لخاطري من بعدها
حظنا والبعد والوقت الشحوح=كل ما نفتح نوافذ سدها
آه من بلوى زماني وين أروح=الهموم اليوم واصل حدها
أظلمت دنياي من بعد الوضوح=ضعت في حر الليال وبردها
شاهت عيوني على برق يلوح=والسحائب مقفة في شدها
لين صار الورد في عيني طلوح=ما تهنينا بريحة وردها
صرت من بعد الغلا من غير روح=ما بقا لي غير ذكرى ودها
السفر زود على قلبي جروح=كل ما قلنا تطيب يضدها