احب من الهواء نسمه ومن كل الحياة افـراح=
ومن بحـر الادب لولـوه الصافـي ومرجانـه=
واحب من المزارع شم ورد(ن) بالشذا فـواح=
لامنه داعبـه ذار النسيـم ومالـت اغصانـه=
واحب الارض لالبست من انواع الزهور وشاح=
وغنا فوقها طيـر الحمـام وكوسـر الحانـه=
واحب النؤ لامنه على روس الجبـال ارتـاح=
يعانقهـا بصـورة رايعـه وتعانـق امزانـه=
واحب النـور لازال الظـلام بطلتـه وانـزاح=
واحب العـدل لامنـه رجـح بالظلـم ميزانـه=
واحب الجادل اللي رمشها لاهل الهواء ذباح=
ليا صفت هدبها واطرقت بـه تقـل كسلانـه=
اذا شفته تحرك داخلي بحـر القصيـد وفـاح=
مثل فوح القليب اللـي يعـل السيـل وديانـه=