olor=#008000]الشاعر سعد الثبيتي
جازت لي طروقك حياك الله واستلم
النجم=
يالله يارزاق والعبد مـرزوق=تغفـــــر لنـــا يارب من كل سيـه
يصحابنا ماكل مطرود ملحوق=سلام والتسليم واجب عليـه
سعد=
ياالله يااللي فالسما معتلي فـوق=تغفر لنا من كل ذنـب وخطيـه
يامرحبا والعلم ياالنجم بالذوق= وابشر بفنجال(ن) من الشاذليه
النجم=
ياسعد جاك العلم برقا على روق=ربعي وربعك والليالـي مديـه
مايزيدهم تشريف ياسعد طاروق=ولا ينقص العتبان كلمة رديـه
سعد=
علمك ثمين وزدتني يافتى شوق=عتيبه الهيـلا رجـال الحميـه
ترى الرديه مالها عندنا سـوق=مال القويه غير رجـــــــل القويـه
النجم=
العلم بالمكشوف ماهو بمدروق=من فضل ربي ما علانا رزيـه
لو قلت فيه فروق مابيننا فروق=شجرة تظلل من يـدور لفيــــه
سعد=
يمين راع الطيب ماصابها عوق=والذيب فالمرقاب جاوب خويـــــــه
يعجبني اللي يعطي الحق مطبوق=ولايضحك الا شر شـر البليـه
النجم=
إن كان تبغا الحق بنقـدم حقـوق=وإن كان مستغني فدتـك العطيـه
ليا صار جيب الثوب ياسعد مفتوق=احـذر تحـط بداخلـه لــــــو ميـه
سعد=
الحق ضاع وراعي الحق مفهـوق=الراعي اثـره مـادرى بالرعيـــــــه
السارق افلح والبلا صرت مسروق=واللي سرقنـي مالديـه الهويـه
النجم=
ياصاحبي لاتتبع كل مطفـوق=ترى الردية ما تسمـى نقيــــــــه
لو كان مايبقى معك لو عملوق=تعيش في دنياك عيشه هنيـه
سعد=
الصقر ماينظر بعينـه لغرنـوق=ولارد عقـــــله يـم طـــــارة عليـــــــه
ماني من اللي ياولد يحلب النوق=والا يـدق العـود و السمسميـه
النجم=
الجسم ما يحيا بلا دم وعروق=اليا سلم راسك فدتك المطيـه
البوق خله للذي يتبع البـوق=ترى العتيبي ما يحب الدنيــــــه
سعد=
ماني من الانذال ياخي محـروق=والصيرفي يجلس مع الصيرفيــه
خل المقاضي يافتى جوف صندوق=واهل الحويه يعشقـون الحويـه
النجم=
لا تدهن اللحية بزيت(ن)ومرقوق=خل ساعتك في كل حال(ن)ونيه
ترى التعجل ياسعد يجلب زهوق=لو كان ما يدفع لوقـت المنيــــــه
سعد=
انته علامك تترك الثوب مشقوق=وان طعتني لاتقـرب المنقديـه
ماهمني فالوقت عاتق ومعتـوق=واللي يطش الما من الزمزميـه
[/color]