أسعدكم الله
الأبيات
......
يا صاحبي تسمح عليه تخفف=هجرك وصدك وانشغالك بدنياك
القلب من حبك له سنين ينزف=ما جا ببالك ترحمه لا عدمناك
وأنا أدري إنك بالمعاناة تعرف=لولاك ما ونيت من عشق لولاك
لكن غرامك بالحشا ما توصف=وشلون بوصف لك مشاعر بتهواك
مالي وسيلة غير بالخالق أحلف=إني أحبك وأعشقك وأتمناك
هواك فيني ما عرف للتوقف=إجتاحني ما عاد والله بنسـاك
قلبي بحبك يا هوى البال يرجف=ما حل به غيرك ولا حب لسواك
لكن بلاي الحظ ماهو بمنصف=أبعدك عني والأماني تحراك
متى لداري يا غرامي تشرف=أفرش لك ضلوعي كرامة لملفاك
واللي تبي ياتيك مهما يكلف=لو تطلب لعيني ترى العين تفداك
أرخص لك الغالي بليا تخلف=وأقدم المعذار طلبان لرضاك
معذار عاشق ما يحاوج معرف=أقدمه وأحلام عشقي ترجاك
أرجوك يا روحي عليه تخفف=هجرك وصدك وانشغالك بدنياك