سلامي سلامن فيه خطه ومرسوم=يغنيبه الشاعر وعقله دليله
يافواز امير الذوق سته من القوم=فقدنا اربعه واثنين تال العقيله

هلا مرحبا ترحيبة قروم لقروم=يقوله لساني عن رحال القبيلة
عسى ما فقدتوا في ثرى القبر مرحوم=ومن عاش يشتال الحمول الثقيلة

يدوم البقا يامير صحصح من النوم =قبل تقدح النيره براس الفتيله
مادام النظر محدود ماأنته بمفهوم=والاحداث في تال الليالي كفيله

انا وانت مانبغى العرب تكثر اللوم=نبا نبهر الشعار بافضل وسيلة
تفضل وقرب رسمة الحرف بالزوم=ولن ماقريت الحرف مافيك حيلة

على دكة الشعّار يامكثر الكوم=وكلن يامير الذوق نعرف موديله
ابقرب الصوره على صفحة اليوم= واباجيك بالاخبار في كل ليله

زمان التطور يخدم الصقر والبوم=وكلن على ماقيل يلقى حصيله
وهذى سببها فى البلاد ابن مكتوم=وانا وانت مانقدر نرد المخيلة

يافواز خل الرمح فالقوم ملحوم=وعن الكحيله وانت راع الاصيله
انا خابرن فالناس ظالم ومظلوم=لاكن الغدر راعيه مافيه حيله

نبا ننتظر منهو على الرمح ملزوم=وانا خابر ابن سعود كفه طويله
يقولون راع الحق ما مات مضيوم=وخلك حزامي فالليال القليلة

مادام ان بيت العز ماهو بمهدوم=وطنا حبيب وكلنا ننتميله
ليا جيت تقنص خذ من الخير مقسوم=وشاور قبل تقنص كبار الفضيله

عيوني وقلبي من هل الغدر مهموم=لكن المحايل بعضها مستحيله
انا سهم في نحر المعادين مسموم=ومن يترك الاشوار واعتزتي له