يا مزنةٍ(ن)شفتها يوم الأحد=من بحر جدة زمت حب وغرام
سحابةٍ(ن)خلتها برق ورعد=مرت مرور الكرام بلا ملام
عدت مع الجو ما اعطتني وعد=متى تعود وتروي للحيام
مشاعرٍ(ن)عاطنة ماشي ورد=تنطر هطولك مراويح الغمام
همال وإلا غشينٍ(ن)مع برد=تروي عروق المودة والسلام
الصيف جوه لهيبة ما برد=أيبس لكبد الكريمة والكرام
متى تهل السحابة يا بلد=نروى من الغيث من عقب الصيام
من شأن ننعم بنعمات الرغد=نرتاح في صحو وإلا في منام
كافي معاناة يا وجه السعد=حياتنا في شقا والله حرام
أما نعيش بهنا وإلا اللحد=أخير من عيشةٍ(ن)هم وهيام
يا مزنة الخير جودي بالردد=الفعل يغني وقصران الكلام
متى تهلين غيثك للولد=تسقين شبه التصحر بالغلام
يا مزنةٍ(ن)شفتها يوم الأحد=من بحر جدة زمت حب وغرام