ياليل السعد باسم الذي سخر الليل=
توكلت فوق مدبر الكون كله=

بعد هجعة العربان وقت التعاليل=
توجهت يم الشرق والدرب ادله=

ياربي طلبتك للعفو والتساهيل=
تسهل علي الدرب من دون خله=

ابا الديرة اللي جوها كنه الهيل=
يبهر قصيدي مثل تبهير دله=

بعد ما تعدى موتري قرية السيل=
وجات الهواجس بالشعر مسفهله=

تذكرت حي ٍ(ن)فيه تحلا التماثيل=
يزين القصيد ليا تذكرت دله=

وقمت أعطي الجوال بعض التفاصيل=
تعابير عن حالي وشيءٍ حصله=

أقطع بها دربي وفيها مراسيل=
لعل القصايد تأصل اللي نجله=