يقول المثل : الصديق وقت الضيق
ويقول : الخوي قبل الدرب
ولكن هل كل صاحب وصديق يستحق لذلك
يقينا كل يرى صاحبه بمنظوره
واليكم هذه الأبيات
الصاحب اللي صحبته هم من هم=من غير ما تدري تسوي سواته
الصحبة اللي كلها غم من غم=أخير من عيشة صحيبك مماته
مهما تسوي فيه يجزاك بالذم=هذي طبيعة فيه منهج حياته
اللي على قول المثل ياخذك لحم=ويرميك عظم وكل همه بذاته
كانك على ما قيل للعلم تفهم=لا تتبع اللي ما يكمل صلاته
لو راح لا تبكي عليه وتندم=خله يولي قلعته بمهواته
بس المهم إنه يجنب وتسلم=خله يروح بسيته وحسناته
دور على اللي عادته تم من تم=اللي معك دائم مجهز عصاته
اللي على ما قيل يفداك بالدم=كله وفا والطيب تاج لصفاته
لا قلت له يا صاحبي قال لك سم=ما لف وجه عنك بطارف عباته
لا جات لك حاجه قبل ما تكلم=قضى لك الحاجه ولو هي غناته
دائم ليا شافك بشوش يتبسم=لن كان هذا صاحبك يا حلاته