طاب مساؤكم وصباحكم
يا بقايا حلم من ماض السنين
وش دهاك تذكر القلب بغلاه
ليش صحيت الغرام اللي دفين
خلف عوج الصدر واحييت الشكاه
قمت اطارد طيف صافية الجبين
واستباح الشوق معلوق الحياه
طار نومي والسهر سقمه لعين
لا دخل بالأدمي زود بلاه
مايطيب من السهر عشاق زين
لين يأخذ من عسل حمر الشفاه
غير هذا مثل من زاد الطين طين
لو تظاهر للبشر مابه رزاه
مير يا حلم العمر كافي حنين
ما مضى وشلون يرجع آه ٍ آه
القساوة بالزمن عيت تلين
والمسافة كايدة والحظ تاه
ما بقى لي غير طيف ٍ وسط عين
رمش مفرش للغلا وأخر غطاه
كل يوم وكل ليل وكل حين
اتخيل صورته وأذكر حلاه
يا بقايا حلم من ماض السنين
وش دهاك تذكر القلب بغلاه