الشاعر: طارق العبيدي
حياك الله وبياك
وجدت لك بقسم الترحيب أبيات
http://www.alqwafel.com/vb/showthread.php?t=18149
وهذا ردي عليها
يامرحبا مليون مافيها كلام=ترحيبنا بالضيف محدٍ(ن)يجهله
حياك ربي في محلك ياغلام=والرجل بأفعاله وليس بمنزله
الشعر حبك وسبك حله والحرام=وأصدقه ياراع المثايل أجزله
ماهو بحكرٍ بالقصور وبالخيام=نستقبله بالفكر وإلا نرسله
حنا كما البنيان صفٍ ما نلام=المنتدى منحل والأخوان نحله
بالنور ياطارق ولاهو بالظلام=سلم وتسلم باهدايا حمله
من بعدها حلق على متن الغمام=هات القصيد من أخره لين أوله
عساك سالم كل يوم وكل عام=عضويتك نشيطةٍ(ن)ومفعله