القصيدة الثالثة المشاركة بمسابقة مركز السيل الكبير
الشعر مايكتب على غير مضمون=وشعر بلا مضمون يحسب خساره
ياكم واحد يكتب الشعر مفتون=وياكم واحد قام يمدح دياره
وياكم واحد يكتب الشعر مديون=وياكم واحد لجل فن وشطاره
وانا كتبته لجل عذرا على شون=تصيح في ليله وتنخى نهاره
عذراَ تضم الظيم وبليس ملعون=وترى الحريقة تبتدي من شراره
عذراً يتيمه مالها قلب وعيون=ولها قدم مكسور ماله جباره
ونتم ضمايركم على الغبن والهون=والقدس مايعمر وزايد دماره
محد(ن) على سنة نبية وقانون=يستر على العذرا ويضفي ستاره
واخوانكم في القدس تبحث عن العون=ونتم مع اهل العولمة و الحضاره
شبابكم ورى الحضارات يسعون=وشيابكم يسعون لجل التجارة
يا أمة الاسلام بالحق تدرون=لازم يموت الكفر وتزيل ناره
على العدو نقبل وحذرى تقفون=نصمد ونرسل غارة بعد غاره
وين الرجال اللي ركوع يصلون=وين الشجاعة و السطر و النعاره
وين الرجال اللي على الحق يمشون=متى يبين الحق يجنا ثماره
وين الرجال اللي على الدين يبقون=كفو عن خدود اليتيمة عباره
افواجنا مليون مليون مليون=وقلوبنا ياحيف تسعى مراره
يالله يامعبود ياخالق الكون=ياواحد كل البشر في قراره
سبحانة اللي بأمره الكاف و النون=طالبك في يوم(ن)صعيب(ن)فراره
وختامها اعداد ماباح مكنون=وعداد ماحجوا وراحوا زياره
وصلو على المختار يلي تقدون=على نبي(ن) زايد(ن) في وقاره