توكلت فوق الله نويت أنحر البيد=
أبا المنطقة ما دامت الروح حيه=
على وارد اليابان ومقرب بعيد=
تقل ما ينوش الأرض لا طاف ميه=
ثبيتي والي بالمنطقة سادة وسيد=
وأنا سيد لطاروق هيض عليه=
سلامي سلام ٍ(ن)يشرح الصدر ويزيد=
على المنطقة مني سلام وتحيه=
تقسم عليكم كلكم يا الأجاويد=
وأنا أعدكم بالطيب مني وفيه=
أنا شوفتي للمنطقة واهلها عيد=
وأخص الحبايب بالوصل والهديه=
تعدت ثلاث سنين ماشفت ماأريد=
ثلاث ٍ(ن)على قلبي كما جرح كيه=
وأنا ما بلايه قل بالغيد ياغيد=
لكن الغلا ماشفت فيكن حليه=
فرق بالحلا والذوق والحب والفيد=
مثل مافرق بالإسم نادر سميه=
تميز بلون وعون من دون تحديد=
فعل بي كما ماسوت العامريه=
معزته بالخفاق قيد ٍ(ن)بلا قيد=
تربع بعرش القلب وأخذه عطيه=
وهبته لبيت الروح شعر وزغاريد=
جزيه بمداته و قصد الجزيه=
أعبر عن إحساسي بلحن الأناشيد=
لحون الغرام اللي بصدري نديه=
عطية لملهوف الحشا شامخ الجيد=
وهايب ومدات المودة مديه=
عسى الله يمد العمر ويعود وأعيد=
ليالي مضت كانت بقربه هنيه=
ننشط لذكرى شيبتها التناهيد=
نجدد لبسمات الشفاه الشفيه=
توكلت فوق الله نويت أنحر البيد=
أبا المنطقة ما دامت الروح حيه=