القلب مهما دق ماني بموحيه
لو من ضجيجه يكسر اظلوع صدري
والهم مهما طال ماني مخليه
يحكم علي ويعتلي فوق قدري
دونه جدار الصمت والصبر يتليه
ودونه غياب ماترك اي عذري
ليته قبل فرقاه خلاني امليه
بأحلا الكلام على البال يطري
فيني حنين وشوق مدري شسميه
لأكن كثير يردني عنه كبري
وفيني لحون كلبوها تغنيه
مجهولة من وين والله مدري
وفيني فراق عاجز عن تماديه
ماني بعارف وين واالله كسري
وفيني ونين كل ما احس انا فيه
حسّيت أني بأول الليل بدري
وفيني سجينن مات من سجن راعيه
على يدينن عنه مهيب تدري
هذا أهو قلبي وذي دبرتي فيه
والأضن فيه إنسان قد حب كثري