أسعد الله أوقاتكم بكل خير
الأبيـــــــــــــــــــــــــات
البارحة سجيت مركوب العنا=يعانق النجمات من فوق السحاب
على براق الفكر والفارس أنا=أطارد الأحلام في ظل السراب
بين الرجا واليأس وأحزان وهنا=اقرأ كتاب وينكتب بعده كتاب
تاريخ مات وحلم مقبل بالمنا=يقوده السياف في عتمة ضباب
في وقت معظم من سكن فيه رعنا=مافيه فرق(ن)بينهم شيب وشباب
قل الأصل والكثر صاير لهجنا=لاعدت يا وقت(ن)يشيب للغراب
الكل من حولي لسانه يرطنا=ذا عالم مجنون غارق في خراب
ياعالمٍ(ن)مسعور يهدم ما بنا=أبغا صواب وتهت عن درب الصواب
أحلام عمري قدم عيني تدفنا=حتى غدا بالنفس لوعة وإكتئياب
شاب الفكر ظهره كما القوس إنحنا=ماهو خلق بتراب مثواه التراب
اللي بعيد يحين وقته ثم دنا=بعد الشروق يحل بالشمس الغياب
سعيت للعليا وعودت لهنا=أسحب ذيول الضيم في نكسة إياب
كن الضمير بسهم قهره يطعنا=خاب الرجا والفكر في مسراه خاب
قافٍ(ن)كتبته في هجوسي دندنا=أمضيت ليلي معه في لوم وعتاب
القاف والأفكار بالشعر قرنا=ياليل هذا كل ما ودا وجاب
أطلق قيود أفكار وأفكار أسجنا=ماشي بقانون الثواب مع العقاب
الثابت إنه كل مخلوق لفنا=واللي يكون اليوم بكره للذهاب
البارحة سجيت مركوب العنا=يمر بالدنيا مثل مر السحاب