يا هوى الروح ياسم وعسل=
حصنيني من جنون الغرام=
حصنيني من أقوال وعمل=
ظلم الأنفس ترى حكمه حرام=
وحصنيني عن الهجر بوصل=
يابعد كل من لبى وصام=
الهجر ظلم ماحوله عدل=
يطعن القلب طعنات السهام=
شاهدي حالتي كيف اكتمل=
جرح عشقي نزيفه مستدام=
من غرامك ترى عظمي نحل=
صرت كني بلا لحم وعظام=
اتوجد هوى واكتم زعل=
من بعادك وخايف من ملام=
خايف أجرحك وأخشى من عذل=
ياحمامة سلام بلا سلام=
الهوى ما يداويه الخجل=
لو يداويه ما ذلوا كرام=
ما يداوي يقع شهد النحل=
جالبه من شعور ومن كلام=
من بساتين ساقيها الأمل=
في رياضك ياثلجة من غمام=
الحقيني ترى بعضي رحل=
مابقي جمرة في حطام=
تحرق القلب وتشيب المقل=
من تباريح وجدي كل عام=
الحقيني بعدلك يا عدل=
الحقيني قبل لأغدي عدام=
يا هوى الروح ياسم وعسل=
حصنيني من جنون الغرام=