طابت أوقاتكم بكل خير
القلب نبضه يا غرامه تسارع=مدري وله والا خلل صايب الدم
ماني بعارف علته والدوافع=طاري على قلبي طـواري معه علم
في داخلي كل المشاعر تصارع=فرح وشوق وضيقة جابت الهم
ذكرت منهو داخل القلب رافع=أحب من خلان وأحب من عـم
ياكثر ما بيني وبينه منافع=وياكبر ما بيني وبينه من الحلم
مير الظروف الجايرة ما تقاطع=واحلامنا مثل العسل خالطه سم
وياكثر ما بيني وبينه موانع=تمنع تلاقينا وتمنع هلا تم
من ما بنا صرنا يبوس انتقارع=الشمل عيا يا أريش العين يلتم
البعد كايد والعواذل توابع=لولا مكايدهم فلا حولنا غم
كان إهتنينا ما شكينا مجازع=اللي نبيه يصير ونعيش في سلم
لكن حسافة حظنا صار قاطع=باعد مسافات التلاقي ولا ضم
في قهرنا ياحي من حظ بارع=وليا رجاه الحال ما قال له تم
لا عدت يا وقتٍ(ن)به الظلم شارع=بعد الحبايب ظلم ما يعدله ظلم
ضيق لصدرٍ(ن)كان بالطيب واسع=شل العقل وأخرس لمنطوق بالفم
صار الحكي كله بطق الأصابع=كني غريق يطارد أنفاس في يم
القلب نبضه يا غرامه تسارع=مدري وله والا خلل صايب الدم