ابو فهد لعاب فالنادي وله وضع خطير= مره ظهير ايمن ومره يتجه للميسره
لكن ياحضرة علي لاتجهل نظام المدير= تراك لو حطيت فوق الرقم رقم(ن) يظهره

كورتك فالنادي يابو فواز راحت تستدير= وابو فهد يرسم لك الاهداف مثل المسطره!!
انته نظامك فالسياسه ياسعد مثل البشير= لو طاوعوه بدارفور يصير كله مقبره!!

دارت على عز ونقا ماهي على علم(ن) ضرير= والشوشري خابر طبوعه مايكب الشوشره
وانته نظامك ياعلي سواة شارون الحقير= جازاه ربه بعمله قبل تزيد المجزره

لا والله الا تستدير ولامعك فيها خشير=احسبك مثل العازمي واثرك سوات المنقره!!
ماتنتعدل لو تعدل عوجة ارقبة البعير=لاخير في علماً يجي من دون زبده وثمره!!

مادام هذي نظرتك فابشر بتحديد المصير= ياالبربري مهنتك فالايام كثر البربره
ماالفايده لوحط نظاره على عين الضرير=ان شالها وان حطها يبقى ضرير (ن) بضرره

اهل المثايل قالو ان العيد بين من عصير=ومنطق عديم المعرفه ماهز فالراس اشعره!!
ياشين طيرٍ لا يصاد ولايصيد ولايطير=مافيه شي اتميزه مابين وجهه وظهره!!

الليله انته في يدي مالك مطير ولامنير= طول كلامك ياعلي ان شئت والا قصره
احسن ظنونك ياعلي تفاءل الخير الكثير= مانته ببو زيد الهلالي او شبيه لعنتره