منقية الشيخ /حماد الصليمي

كلمات الشاعر /فارس الصحراء
صالح المطرفي الهذلي

أداء /
صوت هذيل
صلاح الدعدي




ياهل التحدي ليا جاء عرض جبّاره=فكولها الدرب غصب وجنبوا عنها
مشعوفةٍ وان شعاها الصوت بهّاره=تبهر جميع العيون اللي تعاينها
منها هل البل نهار العرض منهاره=وطايرةٍ اكثر قلوب اهل الولع منها
طلوعها فأول الجندوب نوّاره=تفتّقت كل الارياء عن محاسنها
حمراً كساها الجمال وشالت شعاره=بالزين ربي فرقها يوم زينها
سدوً قراها .. عريضة جنب وفقاره=فتخاً تواسع يداها عن جواشنها
منتوقةٍ ورقبتها وصف جمّاره=يتلّها الطول .. والغارب يبيّنها
فهق الاذاني عن الجمهاه وقصاره=وقوس ارثمة خشمها طوله يليّنها
ولا لصفحة عريض الخد شبّاره=من طول سيف اللواحي عن مراسنها
جبّار اخوها وصوفه كنه القاره=تزمي مع البعد فالرَّقه مزابنها
كنه من الطوال ما يبرك على زاره=مِباَرِكه روّع العالم مدافنها
مع البداوين طار وشعّت اذكاره=على مشاحيه محفيةٍ دساتنها
ولِإسم خواته شكيل البدو دوّاره=وحُمر الجناهات معروفٍ مخازنها
من كسب شيخٍ يفوح الطيب باخباره=مواقفه من سمع عنها يثمّنها
بأسم الصليمي على الطاله قَبس ناره=حماد راع الفعول اللي يبرهنها
من عزوةٍ في نحور القوم جسّاره=تصفق هواها بعد تخلف توازنها
من سابق الوقت للعدوان حشّاره=نمراً تموج القبايل عن ضعاينها
ينوب عنهم عقيدٍ لازم الطّاره=ويمثّل هذيل ويشرّف معادنها
لاساق حمرٍ مع البدوان قهّاره=تسبق على الديره الزانه كباينها
في خايعٍ قرّ ماه وفاحت ازهاره=فيه المشاقيق شابكةٍ عواينها
معاثمٍ في لهيب القاض صبّاره=هوج الخماسين ماتخلف مفاتنها