سعد حميد الثبيتي=
يابن منور قوم والمعنى على خمسة حروف=يبقى ثلاثه لو تشيل اثنين والمعنى سليـم
فوق الثنيه والرباع اليوم حديت السيـوف=قلبي حجر ماهمني لو يذرف الدمع اليتيـــــم
خالد منور الثبيتي=
ياربي انك ترزق العميان لو ساعه يشوف=كلٍ حسب النوايا يا سعـد دربـك سليـم
انا سمعت اللي يدقون الطبول مع الدفوف=يالله يا غفار تغفر لي ذنوبـي يـا كريـم
سعد حميد الثبيتي=
اللي يباري للجمل ماهو كما اللي فالردوف=واللي بلا حجه ليا حك الزند ماهو خصيـم
ام الكباير ماجداها غير تصفق بالكفـوف=من حر ماتونس غلا في بطنها مثل الجحيــم
خالد منور الثبيتي=
يا ذيب ياللي واقفٍ فوق الجبل ما منك خوف=ان كان لك نية غزو روّح و دوّر لك غشيـم
اللي توفت ما عليها لا غبون و لا حسـوف=اللي بكاها واحدٍ لاهو شجـاع و لا حكيـــــم
سعد حميد الثبيتي=
صحيح ماقلته ولا هو ذيب حتى انه يحـوف=واللي غشيم يطيح في وسط الخباره والهشيم
الله لو شفت العزا ناس(ن) على السكه وقوف=اثر الفقيده غاليه في وصفها وصف(ن) عديم
خالد منور الثبيتي=
مادام راسي حي يا رجـال مـن بيـن الكتـوف=ابنظر لوضع العرب و اعالـج الوقـت السقيـم
ما اخذوا على الميت ديه حتى ولو راس الخروف=الله يعـوض ورعهـا بالخيـر ويعيـش بنعـيـم
سعد حميد الثبيتي=
خل العلوم بظرفها يالين تحتاج الظـروف=واليا حصل وحده من الثنتين لاتافــــر شـــــــــــريم
الله يعوض عاقبتها خير في موت الهنوف=ونقدر نقول الطيبه ياالشيخ ماماتت عقــــــــــــــيم
خالد منور الثبيتي=
انا احسب انه من عيال الشرق ساكن فالهفوف=آثر خويك يا سعد ساكن وسط حوطـة تميـم
يبغى له امٍ تشبهه يا رجل حتـى بالوصـوف=جابـوا لـه أمٍ زيهـا لكنهـا عيـــــــــــــت تريـــــــــــم
سعد حميد الثبيتي=
ترى كروف الضان يطلق فوقهم جمعا كـروف=ماهـم بزيـك يافتـى بيـن العليـا والنسيــــــــم
اللي يسوف توبته ماتنفعـه ياالذيـب سـوف=واللي سكن روضة خريم يموت في روضة خريم