ياهجــــوسي سولفي عبر الاثير=واشرحي ماكن في وسط الضمير
من عــلوم ومن جروح ومن طعون=سولفي عن قصــــة الجرح الخطير
كل جرح له مع العــــــــالم طبيب=كون جرح صــــار شره مستطير
كم سبحت سنين في بحر الغرام=وكم بديت الضلع من صبح وعصير
وكم طردت صغــــــار غزلان ومهاه=في بـــــراد الوقت والافي هجير
اتخير في الادامي يوم اصـــــــــيد=ودايم احب صيـــــد المستذير
وكم كتبت الشعر في نوره ونوف=وكم كتبت الشعر في ريم وعبير
لين شـاب الراس من قبل المشيب=شاب راسي عادني توي صغير
الهوى ماهــــــوب عيب ولايعيب=يتســـي فيه الغنـــاوي والفقير
كم شــــيخ وكم عقيد وكم شجاع=لســت الاول في الهوى ولا الاخير
مثـــل ابن عدوان والقاضي وفيه=مثل ابن حثلين راكـــان الامير
وفيــــه ابو زيد الهلالي.فيه قيس=وبه قرينا عن جميل وعن كثير
والهواوي دمعته دمعة يتيـــــــم=فوق خده كنها دمعة غريــــر
بس جرحي يختلف كل اختـــــلاف=غيرعن جرح الهوى والحب غير
ياوجودي وجد مكسورالعظـــــــام=طــــاح توعداه وعظامه خرير
ياوجودي يامعـــــــــــاويد الطراد=محزمي لطامة الشره الشرير
عزوة تارد مــــــــــــواريد النهال=تروي الخنجر وسلات الشطير
تقصر الخطوه على الضد العنيـد=ياذبحوه ومات والااخذوه اسير
يحتمون البل الى ثار العســــام=ويشبعون الطير والذيب الكسير
ودي اذكر من فعـــــــايلهم قليل=بعضها يسوى ويكفي عن كثير
بس اخـــــاف اذكرالناسي واصير=سبة في فتنة تالع سعـــــــــير
ولايشكك في كلامي الا هبـــــــيل=ولايغط النور رجل فيه خـــــير
والحقايق ثابته عنــــــــدي وانا=من هل الخيل الصفر عز القصير
من بني مره عزيزيــــــن الجناب=فزعة المضهود في اليوم الكبير
لا اعتلو من فوق عجلات الهذيب=ضربهم في الشيخ والافي الشوير
من طمع فينا شرب كاس الندم=ولا يغرالا الهتـــــم بعد النذير
في الكويت وفي الامـــارات وقطر=كلنا واحد ويربطنا مصـيـــــــر
وفي السعوديه لناقدر ومكــــان=ماحد قد خذ لنا حبة شعيــــر
علمو عدواننا في كـــــــــــل دار=حدنا ماديـــس والعلم القصير
لاوردنا ما نصدرها حـــــــــيام=قبل تشرب مانعديها صديـــر
منقول لشاعر مجهول