هبي عليّ يا أنسام ليل السهارى=هبي وأنا فيني من الشوق نسمة
أنــا يحركني جمــــال العـــذارى=اللي لهـــن بداخل القلب قســمة
في شـــوقهن مملوك مالي خيارا=أحســـهن في كل صرخــة وبسـمة
لهفي عليهن داخل القلب نــارا=حبست شوقي ثم حطمت حبسـه
يا ليتهن طوعي بليل ونهـــارا=يكــونن طـــوعي كلهــن بلمســة
وأختـار منهن لـؤلـؤ و محارا=ما احد ينافسني ولا احتاج همسة
هن النعيم وهن سكر السـكارى=لوحات حسن داخل القلب رسـمه
بنات حــواء حيــرن الحيـــارى=كم واحد ضيــع ثمـــانه وخمســه
أحبـهن واللــه ســـر وجهــارا=والقلب عارف كل معشوق باسمــه