قصيده اعجبتني ولا اعرف قائلها
ثنتين يعطونك معزه وتقدير = دينك وفعل البر في والدينك
وثنتين منهن يكثرون المخاسير = درب الضياع وصحبة (ن) ماتعينك
وثنتين عنهن ماتجوز المعاذير =سترك لاهل بيتك ومكسب يمينك
وثنتين لو طال الزمن مابهن خير = هرج القفا ومجاملة من يهينك
وثنتين يطلقن الوجيه المسافير = ترديد ترحيبك وضحكة جبينك
وثنتين يسوون التعب والمشاوير = امواصل ارحامك وفزعة قرينك
وثنتين نار وعار معنى وتفسير = ترضى الخنا وتخون مستامنينك
وثنتين لاتقبل بهن الاشاوير =الجار والصاحب ليا قال وينك
وثنتين يشرن باالذهب والدنانير = حشمة بني عمك ونصرة عوينك
وثنتين جنبهن واحذرك تحذير =فعلن يشنع بك وهرجن يدينك