يابنت ما هو كل رجال رجال=
لو الشكل واحد بالأجسام وأشناب=
القول هين والتميز بالأفعال=
والروس ما ترجع مطاريح الأذناب=
لكن انا ودي اسولف والأقوال=
بلاش ما تشرى ولاهي بالأغصاب=
وإن كان ما يعجبك هذا فلا زال=
امام الفرصة تعودين والباب=
ياسع جمل وانا على الخيل خيال=
ماني بلا كاذب ولاني بنصاب=
انا من الروس العزيزة من أجيال=
ما ارخي لراسي غير في جوف محراب=
اسجد لربي يقصر العمر وإن طال=
لله وحده سجدتي رب الأرباب=
هذا أنا يا بنت جواب لسوال=
يمكن خطر بالبال ومحير الباب=
ماني مبين كل مادار بالبال=
لو كنت أنا من بعض الأحوال مرتاب=
بمنع لنفسي عن مناقيد الأنذال=
وأتوب عن درب النقد مثل من تاب=
قدام افرح فوق روحي لعذال=
اللي يبوني مثلهم دوم منعاب=
إلى هنا يابنت لا يطول جدال=
هذي نهاياتي بعد ودنا شاب=
يابنت ما هو كل رجال رجال=
لو الشكل واحد بالأجسام وأشناب=