سلام للشعار والجمهور من شيب وشباب= من راس وافي يعطي اهل الطيب ماجوب العرب
انا على شان الرجال اتعبت نفسي والركاب= لكن يابتال شبب مع رياجيل الشبب

يامرحبا عني وأصالة عن مفسرة الكتاب=أقولها لصغر شنب وأقولها لطلق شنب
أنته على شأن العرب ما طرت من فوق السحاب=ياللي تدور لك طلب ليتك تغلق بالطلب

دام البقا عني وعن ربعي مكسرة الحراب= دامك حضرت النار من عندي ومن عندك حطب
السالفه ياصاحبي ماهي طعام ولا شراب= اللي مثنى لاونس المطرق على الغارب عتب

الخلق تطلب للسلامة وأنت تطلب للعذاب=أظهرك ربي للشهب ياللي تدور للشهب
ترى السما لو حولت يا صاحبي فوق التراب=يبا يموتون العرب يبا يموتون العرب

حنا فهم نمتاز بالحكمه وفي فصل الخطاب= والا انت الاقرع ماتعرف الناس لله العجب
انته تباها فالذرى والا تباها فالزهاب= اخيرك وانت المخير دام تبحث للنشب

الله يخلي ديرة الفهمان ويسق الشعاب=لو كان مافيها عنب لو كان مافيها عنب
لكنها تكهن فهم اللي عزيزين الجناب=مكتوب فيها رزقهم على القلايع والخشب

ليا انقفل للمعرفه باب انفتح عشرين باب= وانته من ايات العرب وايات صفحه فالنسب
الفرق واضح بين محلاتك ومصقول النصاب= ان دنت الهيجا وفارسنا على المهره ركب

الظاهر إنك من هجفك تموت في طرد السراب=لكن صبرك والزعامة دايم لمنهو غلب
أبشر بحد السيف دامنك معذر بالرقاب=بذوقك فعل الحدب بذوقك فعل الحدب

واعز حالك لو كشفنا عنك شوذار النقاب=تموت وانته ماشربت الما من افواه القرب
علم البنادم عند من يعلم خفيات الصعاب= لاينتثر قش الصلب لاينتثر قش الصلب

ياولد فهم الصقر بين ما يشابه للغراب=وإن قلت لي ويش السبب الله يعلم بالسبب
هون على روحك ترى ما كل شغموم مهاب=أما ولانا بالرضا والا ولانا بالغصب

الصقر صقر وجاه في وكره ومرقابه عقاب= يطب من وكره غصب يطب من وكره غصب
انصحك يابتال فصل لك على قدك ثياب= من غرته نفسه بهقوتها يطيح وينكب

لا تهجر ديارٍ عمار وتسكن ديارٍ خراب=الحنظة في طعمها ما تشبه لطعم الرطب
خل المحاسب والحساب يكون في يوم الحساب=ما عندكم غير الركب ياللي تحبون الركب

مرار في رحلة ذهاب ومر في رحلة اياب= ياسهل ماتقدر صعب ياسهل ماتقدر صعب
اشغلت عودك ياالاقيرع بالنصايح والعتاب= النار لازادت حطب يزداد ساعرها لهب

سبحان من خلا فهم قامت تعشي بالكباب=اللي من أول ما تقهوى غير بقماع العلب
سند سند ياكم شاعر جالنا قبلك وتاب=واللي من أول يحسبنه راس تاليها قنب