السلام عليكم ورحمة الله وبركاته
كما عودناكم الأبيات بدون مقدمات
خواطر شعرية لا ترقى لمستوى الإبداع
لكن لعلها تروق لكم
تقول:السفر قرب وأخاف الفراق يطول=تقوله:ونبرة صوتها تخنقه عبره
كلام(ن)أحسه شل قلبي مع المعقول=وبان الجزع بالرد وإختلت النبره
توقعتها تمزح وبعض الكلام فضول=وبعض المزوح أشد من كية الجمره
فقالت:ورب البيت أنا صادقه بالقول=وياليت عمري راح قدام ذا السفره
صعيب(ن)علي أترك بلادي الا ياحول=وأبعد عن الأحباب والكبد محتره
فقلت:إرحميني ماش غير السفر حلول=فقالت:قدرنا ما نتلاقى ولا مره
فقلت:الحياة أيام والعمر بعد يزول=خسارة يضيع العمر ما عاد به كره
لكني هويتك والهوى بالفؤاد يهول=غرامك سكن في خافقي من أول النظره
واببقى وفي للود مهما الظروف تحول=على العهد ما عشنا لو الروح منضره
تصبر وأنا بصبر ما دام الفكر مشغول=لعل الزمان يزين ويبدد الغبره
تسافر بخير وترجع بخير يا مجمول=وأنا بنتظارك مني الكبد منفطره
بتابع لرناتك على الهاتف المحمول=على ذاكرة جوالي مخزن النمره
ما دام الفضا ما بيننا ينقل المرسول=يخفف جروح البعد ويهون العسره
تقول:السفر قرب ولو الغياب يطول=غلاكم بوسط الروح بسقيه بالعبره