عساكم دائما بالف خير
واليكم هذه الأبيات
من الفرن الي السفرة وبالعافية عليكم
ياحسافة ياحسافة ياحسافه=قبل نفرح باللقا حل الوداع
من بدينا بنعطافه لنعطافه=من علو ليا سفوح ليا قياع
كل ما قلنا تقربنا مسافه=التوافق بيننا يصبح نزاع
ياحسافة كيف ضيعنا اللطافه=كيف حلم أيامنا ذالحين ضاع
وين راح الشوق لهفه وإرتجافه=كننا في يوم ما ذقنا التياع
ليش صار الوصل نوع من الكلافه=ليه حبل الوصل يوشك لإنقطاع
كل واحد صار يرجع لا خلافه=كيف نقتل شوقنا والإندفاع
وين راح الوجد والحان الولافه=ليه بعد البذل شح(ن)وإمتناع
ليه ننهي حبنا بليا خلافه=ليه ما نكمله حسب المستطاع
بعد قوة ليش نرجع للضعافه=نلتمس للعذر ونضيق وساع
ياحسافة ياحسافة ياحسافه=قبل نفرح باللقا حل الوداع