أسعدكم الله
هذه الأبيات كتبتها قبل كم ليلة
كان الصدر ضائق والجو ماهو رايق
يمكن تروق لكم
كل ليلة بنام من التعب لو ساعه=مير ذا الليل حتى ساعة النوم طارت
طير النوم عني علم ما به شفاعه=من وليف الليال اللي عليّ استدارت
قال:برحل وأرد اللي خذيته وداعه=قلت:وش ذا السوايا كيف ذالحين صارت
ما عطيتك بضاعة لأجل أرد البضاعه=المحبة بقلبي جاتني ما استشارت
قال:تعبان وظروفي تزيدك ملاعه=المشاعر بقلبي داخل الروح غارت
قلت:يا زين ما عندي لقولك قناعه=الفكاير بفعلك ياأريش العين حارت
ماني بقايلٍ(ن)لك روح سمعٍ(ن)وطاعه=الفراق اللعين النفس منه استجارت
لا تشاور محب ليا بغيت القطاعه=سو ما هو بدالك دام الأيام بارت
كان بايع ولا فيني لمثلك طماعه=لا تزود لهيب قلوبنا بعد فارت
الزم الصمت واترك للقلوب الوجاعه...=المقاير معها رجل الأيام سارت
كل ليلة بنام من التعب لو ساعه=مير ذا الليل حتى ساعة النوم طارت