ياصاحبي يابعيد الدار طال الغياب=
الى متى ننتظر ماعاد باقي صبر=
جمرة غيابك كوتني قبل يوم الحساب=
واللي تمنيت ولى والنتيجة قهر=
جرح ٍ(ن)جرحه الغياب بخافقي يامهاب=
ما ظن يشفى بطب ولا برقية بشر=
لو قالوا الناس طاب القلب ماعاد طاب=
مرهون لك لين ترجع لو غيابك دهر=
وإن كان ماجئيت حظي صار ريشة غراب=
واللي بنيناه تاه ولا لفى له خبر=
احلامنا روحت مراح مقفي ركاب=
والشوق خلف الضلوع العوج يعصر عصر=
أعوام نطرد وراها مثل طرد السراب=
راحت بليا رجوع ولا جنينا ثمر=
وأعمارنا من بعدها موشكة للذهاب=
تحمل جروح الغرام اللي كسبها عمر=
مابين ونة صدود وبين ونة عذاب=
ماتت ورود الغرام وطول بالي قصر=
صارت سوى بأم عيني فالخطأ والصواب=
والأمر لله مالي فالمقادير أمر=
ولى زمان الشباب وكل ما في شاب=
ماباقي إلا جروح ٍ(ن)بالزمان الغبر=
ليتك تعود عليَّه يازمان الشباب=
ما كان حالي تردى في مقام وسفر=
ولا كان من غاب عني يحتمل للغياب=
كان اشتكى مثل شكوايه بقل الصبر=