مـوقـف و كلـمه راعـيًه مرعـويًـه
حـصـرن على كل البـشر مقـتـنـاها
مـوقـف يـعــبًـر عـن دلالــة خـويًـه
وكلمـه تـعـبًـر عن خويً ن عـناها
وتـبـقـى حـيـاة الـنـاس ذيًــه و ذيًـه
مـجـنـا ذخـايـرهـا حـصـادة جـنـاها
حــالات مـدعـومـه بـحـسً الـرويًـه
يـوم الـعـزوم اتـزوم من مشتـهاها
والشخـص في موقف وكلمه جـليًه
بـيـن الـوجـوب وبيـن سالب مداهـا
فـي حــدًهـا تـقــيــيــم لـلـمـعــنـويـه
مـهــمـا تـمـلًـق قـيـمـتـه مـستـواها
وامـواصـل التـعـزيــز روح الخـليًـه
يــبـدي مـكـارم حــالـتـه مـن رداهـا
امًـا سعـيـد ايـعــيـش عـيشه هـنـيًـه
والاً تـعــاسـة حــالـتــه مـن بـنـاهـا
والحـال هـيـئـه و الـدوافــع شهـيًـه
والنفس مهـره طـوع من هو ولاها
الجـامـهـا عـقـل و مـفــاهـيـم حـيًـه
من عمق بير ن باسفل الـجمً ماهـا
طـافـي و غـايــر و البـوادر شـفـيًـه
مـن سومـة الاخـلاق تاخـذ رشاهـا
وغرف المواقـف من طبوع البريًه
فـي مــنــتـهــاهـا كـنً تــوه بــداهـا
وتبقى الشخوص امجسمه هـيكليًه
مـوقـف و كلـمه نـابـعـه من ذواها