هلا مرحبا رحبً يعم الرياجيل=وبعدين اخص ابها الرجال الذهاني
لياجيتكم سكرت كل التحاويل=من اجل الدروب اللّي تلايم زماني

يقولون فالاخبار موجز وتفصيل=وأنا اقول فالاخبار بعض المعاني
تموت الشجاعه كان ماتوا هل الخيل=وترجع تبيع السرج ولاّ الحصاني

قطعتوا علينا القافله ياهل الفيل=اثر شانكم ماهو مطابق لشاني
تجيبون للهندي مساحي وزنبيل=وصارت قضيه يالله المستعاني

بغانا نحد الريل عن سكة الريل=وقاموا رجال ثبيت بالخيزراني
ياكثر الدلال اللي مامعها فناجيل=وأنا ماعليه من فلان وفلاني

انا شرهتي فالضلع بالحيل بالحيل=ولا يحتملها الصاحب الشقلباني
وأنا بازهم القاضي واجيب المعاديل=واسامحك لا من عوّدت للحساني

الك شرهةً وحده ليا ما وفى الكيل=والك ساعةً فالوقت والعمر فاني
نبا ننشد القاضي عن العدل والميل=قبل يقسم الميراث بين الخواني

شهود القضيه ناس من حرب وهذيل=ولا ني بجايب شاهد من خواني
اشوفك تشوف الجدي وتلد لسهيل=وغرك مع المسرى سهيل اليماني

وراء ماتقاضى للعرب من سرائيل=ترى اللي يبيع الخوف يشر الاماني
ترى مالك بعض الدعاوي مداخيل=وقلنا يموت الداب والعقربناي

عسى الله يعوض بخير فيد المهابيل=ومن باعني بالهينه ماشراني