لاضاقت الدنيا عليه من يسار ومن يمين= ماقلت لو ريحت روحي من عناي احسن لها
ارفع كفوفي بعد مااصلي لربي ركعتين= واقول ياربي بفضلك ياكريم تحلها
وان كبرت هموم الدهر واجتاحت القلب الحزين= ركنت للقران واياته وعشت بضلها
يذهب همومي لوماقرت منه الا ايتين= وكتاب لاتحزن مفصل للمشاكل حلها
دايم وانا انظر لابعد اهدافي على مر السنين= اسعى واجاهد في ظروف الوقت لين اصل لها
بعد النظر بالفكر زين وللنظر ماهو بزين= وقصر النظر ماهو بزين اكيد فيها كلها
لو اختلاف الراي ماهو مشكله بين الثنين= كان القلوب الود سيطرفوقها واحتلها
والطيب اللي ينحسب ضمن الرجال الطيبين= لاسمع له وجهة نظر تخالفه يفطن لها
يدرس جميع ابعادها ويقيس بين الكفتين= وان كان طابت ياهلا وان كان خابت زلها
يقصر حبال الدلو لاكدر صفا الهداج طين= واذا صفاله شربته على حياضه علها