للتواصل بدون فاصل
الأبيات بدون مقدمات
إن هاج بركانك تداعت جبالي=وإن ماج بحري الضحية شواطيك
وعزي لحالك مثل عزي لحالي=إن تاهت أقدامي وغرت مواطيك
والله صعيب يكون واحد بدالي=وأصعب منه لن كنت مطلبك مأعطيك
يرخص لعينك كل حالي وغالي=وبرموش عيني من غلاتك بغطيك
يا من ملكتيني بذوق وجمالي=عسى سهوم الغدر والعين تخطيك
ودي تكوني دوم مثل ظلالي=وأنشدك وينك ساعةٍ(ن)ويش مبطيك
أبيك طول العمر عندي قبالي=وأشاهدك في وقفتك في تخطيك
تنعش عطورك جونا يا حلالي=أستانس بصوتك وصوتي يسطيك
يبري وجودك علتي وإعتلالي=وأرفعك فوق الراس ما عاد أوطيك
يا نادرة يا ساحرة بالدلالي=ما تفعلينه صح ماني مخطيك
إن هاج بركانك تداعت جبالي=وإن ماج بحري الضحية شواطيك