قصيدة رد على قصيدة لشاعر بأحد المنتديات

الشعر بحر(ن)متعب(ن)كل غطاس....ما طبـه الا من يعـرف الغطاسـه

موجــه صعيب ومحكم البـــاب تربـــاس....ولا ينقصه من يغترف ربع طاسه

وأنـا عزمت أجيــــب من قــاعه المــأس....و لاني من اللي يرجعون بفلاسـه

مـا همنــي موجــه ولا قـرع الأجــراس....ما دامني شــاعر وعندي حماسـه

وشــاهدت بعيونــي مخــاليق وأجنـــاس....كل(ن)بهم يدوس واحيان داسه

أحــدٍ يكــدس بالذهـب جوف الأكيـاس....وأحــدٍ من القـــله مضيع حواســـه

ومنهم بنـور ومنهم جــوف خرمــــاس....ضيـــع حيــاته بين غيــه وكأســــه

ولقيت فيهم فارس(ن)يعشق أفراس....متولـــع(ن)من خلقتـه بالفراســه

ولقيت من طبعــه مثل طيــر قرنـــاس....ولقيت من هو مولع(ن)بالنجاسـه

ولقيــــت بالأجنـــاس للبيــــض بواس....كل الــذي يعــرفه متعـــــة بواســه

ليــا عشـــق ينصاب بجنـون وعمـاس....يلطــم على الخــدين من هم حاسـه

يظلــي من الحرقــه مثل جمــر قبّـاس....ويحسب عبـــاد اللـــه سبـة قباســه

ولقيـت فيهــم مثل ســـالم وجســــاس....ولقيت فيهم عاقـل(ن)ذو كياســه

ولقيت فيهم عمــي ثم صــم وأخراس....ولقيت فيهم ناعـم(ن)ذو سلاسـه

وصــدفة لقيت بمنتــدى .... الأقواس....قصيــدة(ن)من شاعـرعِلي بأسه

قــراح شـب النــار فـوق الأطعـــاس....نحــت كلامه من صخر حـد فأسـه

يشكــي غرامــه والعشق حيل رفاس....كم واحد(ن)ضيعه حين إرتفاسه

القلــب يا قــراح للعشــق حـــــراس....ولا عاش ود(ن)جانبته الحراسه