ياهاجسي جار القصيده على ايص= واخذر لاتنسى قافيتها على آص
الله من قلب (ن) تلوبه قواريص= فاليوم والساعه على كف قراص
قام يتزلزل مثل مازلزل العيص= واحيان كنه بالمعارك كما العاص
لكن ياقلب العنا ماانت ببخيص=شد العزوم وكب عنك التملاص
الوصوصه دايم طبوع الو صاويص= ماانته مضرى بالفلت والتوصواص
الشعر سبك وحبك كب المحاويص=والنقد وارد من مفاريص فراص
اتعب على سبك البيوت المراصيص=يازين بيت الشعر لاصار مرصاص
مايشتري برخيص غير المناقيص= اللي لهم فالسوق ناقص ومنقاص
بعض الرجال يغلفصونه غلافيص=ومن حين اشوفه قلت من عند غلفاص
يجب نحط الهم علامات تنصيص= ونلصق الاعلان في موخرة باص
الشعر يكرم عن وجيه القعاميص= حرام كلمة شعر في شخص قعماص
الشعر ماهو بن جوف المحاميص= ماهو بسلعة كل هابي وحماص
وابن هليل قفص العلم تقفيص= جاب الجواب اللي كما ضربة الماص
تسلم يمينه من رجال حراريص=لله در اللي على الشعر حراص