يا الله يااللي عالم(ن) بالخفيات=يالواحد المعبود ياعالي الشان
ياواحد(ن) بامرك تحل الصعيبات= يامنزل (ن) سورة تبارك والانسان
يارازق الاحيا ويامحص الاموات= بامرك يكون الشي لاقلت له كان
هون علينا سكرة الموت لاجات= ليا دنا يومي وحضر للاكفان
ليا غرغرت روحي ولجوا بصيحات= والبيت كله لج بصياح ورعان
يارب ثبتنا بحل السؤالات= ويوم الحساب اجعل كتبنا بالايمان
هاضت هجوسي بالبيوت العذيات= من نظم ابو فواز قول(ن) وبرهان
صرفتها صرف الذهب والجنيهات= والقافيه حبكتها حبك واتقان
وزينت معناها ورتبت الابيات= ونسبتها بالطيب لشيوخ ثبتان
الاد ثابت لصة(ن) مع صريرات= بيت المعزه ثابت(ن) فوق سيسان
الاد ثابت عزنا فالمهمات= زحول الرجال اللي لهم فالعلا شان
ربعي وانا منهم سيوف(ن) صقيلات= يوم اعتراك الخيل في كل ميدان
اهل الوفا وافين في كل قالات= يشهد لهم بالطيب حضر(ن) وبدوان
الحل عند شيوخهم والقضايات= حل(ن) على وضح النقا وزن ميزان
وكل القبايل في بعيد المسافات= شبابهم يدري من علوم شيبان
في دارهم مثل الجبال المنيفات= تاريخهم يشهد لهم عبر الازمان
ربعي حصون العز في كل حزات= يذري ذراهم يوم روغات الاذهان
عدوهم يون فالليل ونات= ويفز من نومه فجيع(ن) وهلعان
ليا ذكر لفعولهم جض مابات= يصبح علاه الصبح والجفن عمسان
فالسيل فازوا بالعلوم النقيات= يستاهلون المدح في كل الاحيان
يستاهلون اهل العزوم القويات= اهل الكرم والطيب ذربين الايمان
والطيب بين الناس قدر ومقامات= والطيب تاج وللرياجيل عنوان
سته شيوخ ومن رجال القيادات= كل(ن) ربعه عزيز(ن) وسلطان
من دون قاصر فالرجال البقيات= كل(ن) وله مقدار من دون نقصان
الاول ابن نجم شيخ الذويبات= ابو عتابه من طحاطيح عتبان
رجل(ن) حكيم ولايحب المجاجات= يمشي على نهج الشريعه وقرأن
سيرة حياته كلبوها حميدات= عزيز نفس وفالرياجيل ذيبان
ليا وقف مثل الجبال المنيفات= وله وقفة(ن) ماهي تقدر بالاثمان
معه معيوض عضد في كل الاوقات= بصمات عرفه جات في كل ديوان
الصلح ديدن له على كل وجهات= ياما لفوه الناس مشي وركبان
وياما بصلحه فك كل الشكالات= رجع حزين الصدر بالعرف مليان
ومقبول ابن حامد علومه قديات= شيخ(ن) مجرب من مناجيب شيخان
شيخ(ن) عصامي ينعبي للمهمات= عقله رزين وهرجته دوم ميزان
شيخ(ن) عزيز ولامباديه هزلات= قلت الصحيح ولا تقولون غلطان
حيثه قدير ومن رجال الوجاهات= الله يختم له بمسك(ن) وريحان
والشيخ ابو مشهور زبن الونيات= يستاهل التمجيد من قلب ولسان
شيخ(ن) عزيز وله هداف(،) بعيدات= شيخ الدراريج المسمى كحيلان
من لابة(ن) تعرف نهار المثاراة= الاسم واضح مثل شعله ودخان
قلبه نظيف ولايشيل الحزازات= عز الله انه من مناجيب ظفران
ليا نصيته فالظروف القسيات= عطاك وجهه عنك مادار الامتان
دايم ورى الهقوات ويمد مدات=عيد(ن) على اسمه عيد والاسم نيشان
وجويبر الوادع عزومه قويات=دايم على ربعه حريص(ن) وشفقان
رجل(ن) عليه من المروه علامات= له سمعة(ن) تشرى بغالية الاثمان
رجال دين والتقى له سجيات= من ينتصيه يعز لله ماينهان
ذباح حيل(ن) فالليال الشديدات= راع الكرم والطيب ماصك بيبان
والشيخ ابن طيب رفيع المقامات= شيخ الغروب اللي لهم عز وكيان
شيخ(ن) حكيم وله مبادي حكيمات= للعرف والمعروف كيال وزان
رجال متعلم بعيد السياسات= فالمجد والعليا له حصون واركان
رجل(ن) ليا صكت علاه الملمات= يرسي كما ترسي على الارض ضلعان
له في سبوق المجد صوله وجولات= وقت اللقا صارم كما السيف شامان
عد الروى يروي كبود(ن) ضميات= بالعرف والحكمه سقا كل عطشان
عند التسامح له كفوف(ن) نديات= يدمح خطا المخطي ولو كان ماكان
شيخ(ن) لربعه والكرم فيه عادات= مايذبح الهزله ليا جوه ضيفان
جته الشياخه غصب عن كل شمات= بالحق اخذها واندحر كل شيطان
مذخور عود(ن) مات والاسم مامات= الاسم حي وشايله طير حوران
العود راح ولا صدر منه شينات= عساه بالجنه مع الحور الاعيان
وابن عنيبر له وصوف(ن) قليلات= الشيخ ابو عثمان للضد مزبان
راع التقى والدين راع المروات=شايب له التقدير من عرض شيبان
له وقفة(ن) مثل السيوف الرهيفات= في ماقفه دايم قوي(ن) ونشطان
مبداه عالي والمقاصد رفيعات=حكيم في رايه ولا فيه نقصان
وصلاة ربي عد فرض الصلاوات= على نيي(ن) بين الدين باركاناالله