صباحية مباركة على الجميع
مساء رومنسي او نرجسي كل حسب رغبته
واليكم الأبيات مثل ما جات بدون تعديلات
والمعذرة لو فيها قصور تراها أبيات على ما يقال كيبوردية
ودك تجرب مثل ماني مجرب=بصد عنك أيام وأشوف ردك
وليا عرفت إن التجافي يعذب=ما عاد تخلف بالمقابيل وعدك
وإن كان ما حسيت ببعد وأجنب=بروح أدور ود ما هو بودك
بدور اللي لا طلبته يقرب=جواد مده ما يشابه لمدك
كل المحاسن فيه والله تعجب=أنسى همومي معه وأرتاح بعدك
مليت من طرد وراك(ي)يتعب=حيرتني ما بين ودك وصدك
سراب من يطرده ماهو مشرب=حتى ولو يطردك يتعبه طردك
ما صار لي لو صار لطفل(ن)يشيب=يضيع عمره بين هزلك وجدك
مر(ن)يصدق والف مرة يكذب=تفنا عظامه ما لمس ظفر يدك
خسران منهو يندفع ما يحسب=قدام ياقع بين حرك وبردك