للتواصل معكم اليكم هذه الأبيات
علها ترقى الى ذائقتكم
حبيبي أنا قدام لاأسج في دنياك=قضيت الزمان اللي مضى بعالم ثاني
أي والله قليل بحقك إن قلت لك أفداك=بعد ما صرت ملهمني قصيدي عذب الحاني
عساني مفقدك يابعد عمري ربنا يرعاك=سكنت بخافقي قدام لا تسكن أعياني
وأنا لاقلت لك أهواك أقلها صح أنا أهواك=أقلها من صميم القلب ماهو من لساني
منايه يابعد عمري أدور بالزمان رضاك=كفايه يوم قلت إنك بروحك تفداني
ترى كلمتك هذي ماتخليني أبد أنساك=لكني خائف الأيام تشغلكم وتنساني
حبيبي لابعدت شوي عنك ومرني ذكراك=أحس برعشة الأشواق تقلب كل أركاني
وأنا والله ياعمري حشا ما عشقت سواك=ولاني من اللي عشقهم للبيض من داني
حبيبي ماني بلاقي شبيهك بالزمن وحلاك=ولا فيه مخلوق بحسنه قبلك أغراني
يابو شعر يشابه ليل فيه من الحلاك أحلاك=ليا منه سبح ماعاد تعرف وين الأمتاني
حبيبي كل هذا الحسن من هامتك لا ماطاك=حبيبي حسنك الفتان عن كل النسا أعماني
حبيبي ياعسى كل العذارى كلهن فداك=ترى مافيهن منهي هزت بيوم وجداني
تعلمت الحسن قدام ياكل الغلا القاك=لكني ما لقيته مجتمع في شخص وحداني
لقيته فيك ياعمري وهذا سهمك الفتاك=تعلق في معاليقي وضحكني وبكاني
الا يا فاتني سبحان منهو بالحسن سواك=بديع الخلق بأحسن صورة أبدعكم وسواني
طلبتك لا تضيعني وتحرجني بهات وهاك=ترى ما مر بي في سالف الأيام كفاني