قالت:أحبك قلت:أنا حبي أكثر=قالت:فديتك قلت:يفداك(ي)اللاش
قالت:تصور قلت:ويش اتصور=قالت:أحس بداخل القلب رعاش
قلت:السبب قالت:ذكي أنته أخبر=بالكون كله ما يجي شيء من ماش
لكن عجل بالدوا لا تأخر=قدام لا نطلع من العمر ببلاش
قلت:الدوا يمكن على حالك أخطر=قالت:حشا دواك يشفي لي الجاش
قلت:اصبري قالت:شكا مني الصبر=الصبر مني يا هوا البال منحاش
قلت:السموحة والعذر والله أكبر=عسى الذي يخذلك يا زين ما عاش
غالي ومطلوبك على الفور يحضر=أخذ الذي يرضيك من دنيتي كاش
لو كان غيرك طالبه بتعذر=كم واحد(ن)يرجيه لكن ما ناش
لكنك أنته غير صدتك مقدر=أنته سكنت القلب وضلوعي فراش
إفرض مطاليبك وفوقه تأمر=مهما تسوي فيه أبيض من الشاش
وإن كان صابه لا حضنك المقدر=أمانة الله دخله جوف الإنعاش
وأكتب على بابه بكيفي مخدر=خله على اللي منك من زاد يعتاش
بس أنت بالله يالغضي لا تكدر=يجيك مطلوبك بلا طق وهواش
حدد لنا الميعاد ويجيكم أبدر=أسرع من الرمشة على لمعة فلاش