بشروني بالوصول المنتظر قبل الوصول = فز قلبي من البشارة فزت الجمس الحمر
جمس شكمانين سائقه عتيبي من الأصـول = مايهاب أطول طلوع ولا يهاب مـن البحر
فز قلبي للبشارة فـزت الريم الجفول = لا لـمـح ذيـب(ن)سرا به قال لابد المفر
البشارة مـن حلاها كـن في قلبي طبول = زادت الـدقـات حـتـى كسرت ضلع النحر
لوبغيت أخفي وخبي صارت الدمعه سيول = جـاوبـتـهـم علمتهم رحبت بأحلى بشـر
رحبت بالصاحب اللي يمه عيوني ميـول = رحـبـت بـاللي تحبه رحـبـت بعذب نهر
قبلها رحـب فـوادي قبل لاعيوني تقول = رحـب بدقـاتـه اللي ساكنه جوف الصدر
ياهـلا يامسهلا يامنعش الـورد الذبول = ياهـلا ياروح روحي ياهـلا يأجمل قـمـر
ياهـلا يامسهلا بالصاحب الريم الخجول = زادت الأفراح فيه يـوم عدتي من السفر
عودتك أكبر غنيمه ماتساويها خـيـول = مـاتـسـاويـهـا زهـور ولانبات ولا شجر