خفق لها قلبي قبل ما تناديه=نادى لها قدام هي ما تنادي
يالجادل اللي كلي بروحي أفديه=بعد غرامه حل داخل فؤادي
يا من على كل العذارى مبديه=حبه بقلبي نار فيها برادي
سحرتني باللي من الوجه مبديه=وجننتني بأناملك والأيادي
رنا لك(ي)قلبي وبالحال مهديه=فزتي بقلبي طوع مدري عنادي
لأجل الحنان اللي على الروح مسديه=ماني بقائل فك عني قيادي
لو كان والله ينزع القلب بيديه=ذا منبع أحلامي وغاية مرادي
وليا تحداني قبلت بتحديه=هذا حبيب الروح مهو معادي
الله من كل المكاره يعديه=يحفظه رب العرش رايح وغادي