عز اللــه إني يا أبن الأجـواد عـذرت=عذرت منـــك ولا معي فيــك حيلـــة
جتنــي علومــك كلهــا ما تكـدرت=ولا ني بشـــاره فـوق هذاحصيلـــه
أنــا بعقلـي مقتنع و أنت وخرت=فكـــرك يســدك بالليــالي الطويلــــة
بذلـت لك مني مواجيب واحتـرت=وأصدرت لك حكــم(ن)جهلنـا دليلـــــه
حكــم بلا قاضي وميـراد قررت=ما حـــد(ن)من العـــراف واللـه يشيله
ودعــوى بلا ضمــان وشهود صدرت=وجاهـــل بلا عاقـــل تتعبــه خيلـــه
ولا همني لن كان فوقي تكبرت=ومن خاف من سوس الذرى ما يكيله
ليا حك زندي زندكم ثم شررت=ارفــع ثقيــل الحمـــل وإلا قليــلــه
من دون هــذي لب دعواك دمرت=ما تروي العطشــــان وتبــري غليله
و أنا ترى ما همني لو بربرت=بعد غــدن هــروج مثـــلك دبيلـــة
ثابت على المــاقف تــرى مــا تغيـرت=حافــظ لســاني ما تجي منـه فيلــــة
إن جئتني شديت حمـلك وكبرت=فوقه من أطراف العمــد والخميلــة
وإن كان ما تقــدر عن الحــق ودبرت=أخيــر لك قــدام وقــت الفشــــيلة
خلك على مذهبــك وأنـــا تسيطرت=ما همنـــي ذئب(ن)حصيلـــه عويلــه