ياليتني ماخفت في يوم فرقاك
يومنها بين الرجاء والتمني
لاكن خوفي كان خوف اني القاك
بعد الخطاء ماتقبل العذر مني
اهون علي اعيش عمري بذكراك
ولايخيب من الغلط فيك ضني
اذا طغى كبرك عليه وغطاك
ولا انت قادر وقتها تحتملني
في وقتها يمكن على دربي اطاك
والا بعد من رد فعلي تجني
احسن لي ابعد واحتفظ في بقاياك
متمسك بالي فتنك وفتني
ماخفت من هجرك انا خفت لنساك
ولا يغرك وقتها صغر سني
انا من الي بس لامنه اغلاك
تاصل معه اخر حدود التهني
لاغبت يسئل عنك وان جيت حياك
لي خاطر يضحك وقلب يحني
متمسك للحين في حبل ذكراك
وعليك ادن الهاشميه واغني